Vereinsusflug
Zu üsaram Fufzger hommr an zwoatägiga Usflug gi München gmacht.
Am Samstig simmr i da Münchener Innaschtadt ummag´irrt, vor mr d Bavaria Film Studios agluagat hond.
A paar vo üs hond döt kurze Filmuftritt ka, wo denn zu Kurzfilma zämmagschnitta worra sind.
S Obadeassa heats denn im Augustiner Schützengarten gia.
Danoch hommr d Zimmera im Achat Hotel bezoga.
Noch ma usgibiga Frühschtück vum Büffee hommr a Schtadtführig im Bus übrko. An Bayer ischt i üsara Bus igschtiga und heat üs d Sehenswürdigkeita und Highlights vo München erklärt.
Dia Führig ischt bi da BMW-Zentrale fertig gsi.
Döt heat ma meh Möglichkeita kha. Ma heat zwüschat anara Besichtigung vom BMW Museum, da BMW Wealte, odr ummalungara im Olympiapark ussuacha künna.
Uf da Rückfahrt hommr no an kurza Halt für a leibliche Schtärkung gmacht, vors denn wiedr mit m Bus gi Ems ganga ischt.
Im Rahma vo da Vereinsförderig hommr vo da Fohraburg a paar Getränkle zum 50jöhriga Jubiläum gschponsert übrko, wo mir uf deam usflug konumiera künna hond. Danke a d Fohraburg.
Durch dia viela Wahlmöglichkeita ischt däs an optimala Usflug, für Jung und Alt gsi. Alle hond künna macha, was fürs Alter und Interessa passt heat und alle sind zfrieda gsi.
An bsundriga Dank gilt do üserem Obma Horst Mathis fürs tolle Organisiera vo deam Usflug. Zämma mit Amann Reisen heat er den Usflug toll organisiert und da Thomas Klien, wo trotz Geburtstag da Obmibus gfahra heat, söll o no an tolla Dank übrko.
50 Johr Fier
Us Alass vom 50jöhriga Zunftbeschteha hommr alle Mitgliedr und Freund vo da Zunft am 10.10.2015 zumma Jubiläumsobad id Radlerhalla iglada.
Dia Fier ischt vo vielna Mitgliedr, Abordniga vo da Emser Zünft, Abordniga vo uswärtiga Zünft und Vrtreatr vo da Politik bsuacht worra.
Mit Bilder und Kostümer, wo a paar Vereinsmitglieder vorzoagt hond, sind d Umzugsthemen vo da vrgangana 50 Johr vorgfüart worra. An schpeziella Dank dafür da Ingrid Zech und eara sina Healfr.
D Gruppa „Cirquisa“, wo üser Nöümitglied Alexandra Loretz dabei ischt, heat üs a hoaße Akrobatik- und Feuershow bota.
D musikalische Unterhaltig ischt vom Duo „Holzfüchse“ überno worra. Da Stefan Mathis heat mit sim Team da Barbetrieb gmacht.
Alla Helfer a herzlichs Danke. Bloß dur d Mithilf vo Allna hommr die zwoa Events erfolgrich und zur Fröd vo allna macha künna.
Gerhard Jäger, Schriftführer