Untergässler

Fasnatzunft

Untergässler
HOI ZEMMA!


Do findand dr Infos übr üsere Zunft Bildr vo Umzüg und Feschtar und sus no alls möglich was des Herz begehrt.

Previous Next

Untergässler Johreshauptvrsammlig

Am 22. April 2022 heat d Untergässler Fasnatzunft di hürig Johreshauptvrsammlig abghalta, nochdeam di letschta bed Johreshauptvrsammliga usgfalla sind.

D Vrsammlig heat im Gwölb vom Hirscha schtattgfunda.

Neabat da Mitgliedr sind da Iladig da Präsident vo da Schlossnarra Karl-Heinz Sutter, da Bezirkselferrot Thomas Kertel mit sinara Frou Heike vo da Schlossnarra, d Kulturschtadtrötin Erika Kawasser, da Vereinsschtadtrot Markus Klien und da Fasnatrot Manfred Schnetzer gfolgt.

Noch da Begruaßig und da Bricht vo Obma, Schriftführer, Chronischtin, Archivarin und Kassier heats d Entlaschtig vom Kssier und vom Usschuß gia.

Nöü i d Zunft ufgno worra sind üsere Nochwuchsmoadla Lena Klien und Anita Zech und da Fabian Tamanini, wo etz weagat Corona a drüjöhrige Probezit kha heat.

D Nadine Klien ischt als Probemitglied ufgno worra und würd bi da nögschta JHV ufgno.
D Michaela Mathis und d Marlene Ehrhart sind Ehramitglieder vo da Zunft worra.

D Schlossnarra hond da Markus Jäger und d Ulli Klien mitm Bronzeorda, da Günther Aberer mitm Silberorda und d Marlene Ehrhart mitm Goldorda beehrt.

Für langjöhrige Tätigkeita as Obma, Vizeobma, Kassier, Schriftführer, Fähnrich und Zunftrot hond da Obma Horst Mathis, da Kassier Reinhard Metzler und da Schriftführer Gerhard Jäger da Untergässler Vrdianschtorda übrko.

Zum Abschluss heat d Zunft allna, wo do xi sind, a Schnitzle, 2 Getränk und a Vrrupferle schpendiert.
I da Hoffnig, dass Corona fertig ischt luagamr uf a Normale Zukunft im Verreinsleaba und bi da Fasnataktivitäta.